گلبرگ سوسائٹی قتل پر آئے فیصلے سے مایوس ہوں: ذکیہ جعفری

احمد آباد،2جون(ایجنسی) گلبرگ سوسائٹی قتل میں مارے گئے کانگریس کے سابق ممبر پارلیمنٹ احسان جعفری کو انصاف دلانے کے لئے سالوں سے جدوجہد کر رہیں ان کی بیوی ذکیہ جعفری نے جمعرات کو خصوصی عدالت کی جانب سے 66 ملزمان میں سے 36 کو بری کئے جانے پر مایوسی کا اظہار کرتے ہوئے کہا کہ انہیں سزا ملنی چاہئے تھی کیونکہ انہوں نے لوگوں کو مارا اور جائیداد برباد کی. غور طلب ہے کہ گلبرگ سوسائٹی قتل میں احسان جعفری سمیت 69 افراد ہلاک ہو گئے



تھے.
ذکیہ کے بیٹے تنویر جعفری نے کہا کہ وہ 36 ملزمان کو بری کئے جانے کے معاملے پر اپنے وکلاء سے رائے مشورہ کریں گے اور اس کے بعد فیصلہ کریں گے کہ اوپر کی عدالت میں اپیل کرنی ہے یا نہیں. ذکیہ نے کہا کہ انصاف کے لئے ان کی جنگ جاری رہے گی. انہوں نے کہا، 'عدالت کے فیصلے سے میں مطمئن نہیں ہوں. انہیں سزا ملنی چاہیے تھی کیونکہ مجھے پتہ ہے کہ انہوں نے کیا کیا. انہیں یقینی طور پر سزا ملنی چاہیے کیونکہ انہوں نے لوگوں کو مارا اور ان کے خاندانوں کو برباد کر ڈالا. میں نے اپنی آنکھوں سے انہیں یہ سب کرتے دیکھا. '